DailyWaka Sindhi News Papers
لاڳاپيل خبرون
ڪراچي: (مانيٽرنگ ڊيسڪ) سينئر صوبائي وزير شرجيل ميمڻ سوال اُٿاريو آهي ته جيڪڏهن ڪراچي رهڻ جوڳو نه آهي ته پوءِ سڄي ملڪ مان ماڻهو هتي ڇو اچي رهيا آهن؟سنڌ اسيمبلي ۾ خيالن جو اظهار ڪندي شرجيل ميمڻ چيو ته ڪجهه ڏينهن اڳ هڪ رپورٽ تي واويلا ڪئي وئي، جنهن ۾ ڄاڻايو ويو هو ته ڪراچي رهائش جوڳو شهر نه آهي، جيڪڏهن ائين آهي ته پوءِ ملڪ جي ڪنڊ ڪڙڇ مان هزارين ماڻهو هتي ڇو اچي رهيا آهن؟هن اِهو به چيو ته جيڪڏهن ڪراچي رهائش جي لائق نه آهي ته پوءِ ماڻهو لاهور، اسلام آباد يا پشاور ڇو نه ٿا وڃن؟هن چيو ته مڃيون ڪراچي ۾ مسئلا آهن، پر 3 ڪروڙ ماڻهن ڪنهن نه ڪنهن ريت پاڻي ملي رهيو آهي، شهر ۾ صفائي به ٿي رهي آهي، ڪچرو به کڄي رهيو آهي ۽ ماڻهو پنهنجي نوڪرين ۽ ڪم ڪار تي به وڃي رهيا آهن.
