اي پي ايس شهيدن قوم کي دهشتگردي جي لعنت خلاف متحد ڪيو: محسن نقوي

لاڳاپيل خبرون

ڪراچي رهڻ جوڳو ناهي ته پوءِ مُلڪ جي ڪُنڊ ڪڙڇ مان ماڻهو هتي ڇو اچي رهيا آهن: شرجيل ميمڻ

قومي سلامتي ڪميٽي پاران فردو، نطنز ۽ اصفهان ۾ ايراني ائٽمي ٺڪاڻن تي ٿيندڙ حملن کانپوءِ وڌيڪ ڇڪتاڻ جي خدشن تي شديد ڳڻتي جو اظهار

پاڪستان جارحيت، سفارتڪاري ۽ بيانئي جي جنگ ۾ ڀارت کي شڪست ڏني: بلاول ڀٽو زرداري

اسلام آباد (مانيٽرنگ ديسڪ)وفاقي گهرو وزير محسن نقوي آرمي پبلڪ اسڪول پشاور جي شهيدن جي ورسي جي موقعي تي پنهنجو خاص پيغام جاري ڪيو آهي.محسن نقوي پنهنجي پيغام ۾ چيو آهي ته بدترين دشمن 16 ڊسمبر تي معصوم ٻارڙن ۽ معصوم استادن کي ناحق شهيد ڪيو، اهو ڏينهن اسان جي ان عزم جو مظهر بڻجي ويو آهي ته دهشتگردي خلاف جنگ جاري رکنداسين.هن چيو ته ٻارن ۽ استادن پنهنجي قيمتي رت سان پرامن پاڪستان جو بنياد رکيو،وحشي دهشت گردن ننڍڙن گلن کي گوليون هڻي وحشياڻو تشدد ڪيو. وفاقي گهرو وزير چيو آهي ته اي پي ايس جا شهيد اڄ به قوم جي دلين ۾ زنده آهن، پاڪ سرزمين بزدل دشمن لاءِ تنگ ڪئي وئي آهي.هن چيو ته اي پي ايس جي شهيدن دهشتگردي جي خاتمي لاءِ قوم کي متحد ڪيو، سندن قربانيون پاڪستان جي هر فرد جي دل ۾ هميشه زنده رهنديون، شهيد ٻارڙا ۽ استاد پوري قوم جا هيرو آهن.محسن نقوي وڌيڪ چيو ته اسان اي پي ايس جي شهيدن جي خاندانن کي سلام پيش ڪريون ٿا ۽ انهن سان مڪمل يڪجهتي جو اظهار ڪريون ٿا.هن چيو ته اڄ پوري قوم شهيدن جي لازوال قربانين کي خراج عقيدت پيش ڪري رهي آهي.