Daily Waka Sindhi News Paper
لاڳاپيل خبرون
اسلام آباد (مانيٽرنگ ڊيسڪ) قومي ايئر لائين (پي آءِ اي)جي ترجمان انهن رپورٽن جي سختي سان ترديد ڪئي آهي ته پي آءِ اي جي جهاز کي چيڪ ايئرفورس حفاظتي تحويل ۾ ورتو آهي. پي آءِ اي ترجمان ڇنڇر ڏينهن پنهنجي بيان ۾ چيو ته پي ڪي 786 لنڊن کان اسلام آباد 27 فيبروري تي ان کي ڪنهن فائيٽر جهاز گهيري ۾ ناهي ورتو. پي ڪي 786 هنگري ايئر ٽريفڪ ڪنٽرولر سان سلواڪيه جي هوائي حدن تائين مسلسل رابطي ۾ رهيو. ترجمان بڌايو ته هنگري ايئر ٽريفڪ ڪنٽرولر فضائي ٽريفڪ جي نظر ۾ رکندي ڊائريڪٽ روٽ ڏنو هو جنهن جي تصديق رومانيه ۽ چيڪ عملدارن جهاز سان ڪئي آهي. ڄاڻايل اڏام جي پائليٽ طرفان اجازت ٻڌائڻ تي ڊائريڪٽ رستو برقرار رکڻ جي اجازت ڏني. ترجمان چيو ته اهڙن واقعن يا خلاف ورزي جو اطلاع فوري طور تي لاڳاپيل ملڪ کي ڏنو ويندو آهي. پي آءِ اي کي ڪنهن به طرفان ڪا به رپورٽ موصول ناهي ٿي ۽ پائليٽ جي رپورٽ به ڪنهن غيرمعمولي واقعي جي نشاندهي ناهي ڪئي.
