نڪور خبرون
Home / پاڪستان / والد جي بيماري جي ڪري ذهني دٻاءُ جو شڪار آهي ، اجازت ڏيو ته پرڏيهه وڃان: مريم نواز

والد جي بيماري جي ڪري ذهني دٻاءُ جو شڪار آهي ، اجازت ڏيو ته پرڏيهه وڃان: مريم نواز

اسلام آباد (مانيٽرنگ ڊيسڪ) مريم نواز هڪ ڀيرو پرڏيهه وڃڻ لاءِ اجازت، اي سي ايل مان نالو ڪڍڻ ۽ پاسپورٽ واپس ڪرڻ لاءِ لاهور هاءِ ڪورٽ ۾ درخواست داخل ڪرائي ڇڏي آهي. نواز ليگ جي نائب صدر مريم نواز اي سي ايل مان نالو ڪڍڻ لاءِ لاهور هاءِ ڪورٽ ۾ درخواست داخل ڪرائي ورتي آهي، جنهن ۾ هُن موقف رکيو آهي ته اي سي ايل ۾ سندس نالو نوٽيس جاري ڪرڻ کانسواءِ شامل ڪيو ويو، 20 آگسٽ 2018ع تي جاري ٿيل ميمورينڊم غيرقانوني آهي. درخواست ۾ مريم نواز استدعا ڪئي آهي ته سي ايل ۾ نالو شامل ڪرڻ جي حوالي سان ميمورينڊم کي ڪالعدم قرار ڏنو وڃي ۽ کيس هڪ ڀيرو 6 هفتن لاءِ ملڪ کان ٻاهر وڃڻ جي اجازت ڏني وڃي. مريم نواز لاهور هاءِ ڪورٽ کي اها به استدعا ڪئي آهي ته کيس پاسپورٽ واپس ڪيو وڃي. لاهور هاءِ ڪورٽ ۾ داخل ڪرايل درخواست ۾ مريم نواز موقف رکيو آهي ته احتساب عدالت جي سزا کانپوءِ رضاڪاراڻي طور هوءَ والد سان گڏ واپس آئي هئي، اي سي ايل جي ميمورينڊم ۾ ڄاڻايل سبب سمجهه کان ٻاهر آهن، درخواستگذار وٽ ڪڏهن به عوامي عهدو نه رهيو آهي. مريم نواز چيو ته هو والد جي بيماري جي ڪري ذهني دٻاءُ جو شڪار آهي ۽ والد کي سندس سخت ضرورت آهي. مريم نوازطرفان درخواست ۾ وفاقي سرڪار، نيب چيئرمين، ڊي جي ايف آءِ اي، ڊي جي پاسپورٽ اينڊ اميگريشن کي ڌُر بڻايو ويو آهي

About admin

هي به ڏسي سگهو ٿا

سنڌ سميت سڄي ملڪ ۾ ڪرونا سبب صورتحال ڳڻتي جوڳي، ڪيس 64 هزارن کان وڌي ويا

ڪراچي/اسلام آباد (مانيٽرنگ ڊيسڪ) ملڪ ۾ ڪورونا وبا وڌيڪ 44 حياتيون ڳڙڪائي ڇڏيون، فوتين جو …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے