Home / پاڪستان / پورٽ فوليو جي ڪابه حيثيت ناهي، عبدالحفيظ شيخ به تمام گهڻو محنتي ۽ قابل شخصيت آهي: شيخ رشيد

پورٽ فوليو جي ڪابه حيثيت ناهي، عبدالحفيظ شيخ به تمام گهڻو محنتي ۽ قابل شخصيت آهي: شيخ رشيد

لاهور ( ) ريلوي واري وزير شيخ رشيد احمد چيو آهي ته آصف زرداري ۽ نواز شريف جو ڪو به سياسي مسقبل ناهي، عمران خان کي پنج سال پورا ڪندا ڏسي رهيو آهيان. لاهور ۾ پريس ڪانفرنس ڪندي شيخ رشيد احمد چيو ته اسد عمر جيتري محنت ڪري پئي سگهيو ڪيائين، هن پاڻ استعيفيٰ ڏني،  جڏهن ته هڪ وزير کي ته ڪڍيو ويو آهي، اسد عمر وٽ وڃي درخواست ڪندس ته ڪابينا جو حصو رهي، پورٽ فوليو جي ڪابه حيثيت ناهي، عبدالحفيظ شيخ به تمام گهڻو محنتي ۽ قابل شخصيت آهي.  هن چيو ته گئس ۽ بجلي جي اگهن ۾ اضافو نواز شريف ۽ آصف زرداري سبب آهي، ملڪ کي چورن ۽ ڦورن اهڙي نموني ڦريو جو جيڪڏهن مان وزيراعظم هجان ها ته خالي خزاني جو ڇا ڪيان هان، عمران خان کي پنج سالن جو مدو پورو ڪندي ڏسي رهيو آهيان، جنهن تي نيب جا ڪيس هوندا تنهن کي برداشت نه ڪندا، ملڪ ۾ پارلياماني نظام هلي رهيو آهي، اسان کي آئين اڳتي کڻي هلڻو آهي. سندس چوڻ هو ته ملڪ جي سرحدن تي حملن سان نه پر معيشت تباهه ٿيڻ سان ٽٽندا آهن جڏهن ته آءِ ايم ايف جي پروگرام کانسواءِ ملڪ نه ٿو هلي سگهي.  شيخ رشيد چيو ته ڪراچي کان پشاور تائين ايم ايل ون تي وزيراعظم جي موجودگي ۾ چين ۾ صحيحون ٿينديون، سفر جو وقت 8 ڪلاڪ رهجي ويندو، ريلوي ۾ وڌيڪ ڏيڍ لک ماڻهن کي نوڪريون ڏئي رهيا آهيون، 24 تاريخ تي ريلوي جي بجيٽ ڏيندس.

About admin

هي به ڏسي سگهو ٿا

ڪراچي لاءِ پيڪيج ڪٿي آهي، وفاق سنڌ جا هڪ سئو 60 ارب گم ڪري ڇڏيا: مرتضيٰ وهاب

ڪراچي( مانيٽرنگ ڊيسڪ ) وڏي وزير جي اطلاعات بابت صلاحڪار مرتضيٰ وهاب چيو آهي ته …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے