نڪور خبرون
Home / پاڪستان / ماڊل ڪورٽن جي قيام جو مقصد فوري ۽ سستي انصاف جي فراهمي آهي: چيف جسٽس آف پاڪستان

ماڊل ڪورٽن جي قيام جو مقصد فوري ۽ سستي انصاف جي فراهمي آهي: چيف جسٽس آف پاڪستان

اسلام آباد (مانيٽرنگ ڊيسڪ) چيف جسٽس آف پاڪستان جسٽس آصف سعيد کوسه چيو آهي ته هڪ مشن تحت ماڊل ڪورٽن جو قيام عمل ۾ آندو ويو آهي جنهن جو مقصد فوري ۽ سستي انصاف جي فراهمي آهي، اهڙو اظهار هن ڇنڇر ڏينهن هتي وفاقي جوڊيشل اڪيڊمي ۾ فوري انصاف جي فراهمي بابت هڪ ڏينهن واري قومي ڪانفرنس کي خطاب ڪندي ڪيو. هن چيو ته جوڊيشل پاليسي تحت ڪيسن جو وقت مقرر ڪيو ويندو، برطانيه ۽ ٻين ملڪن ۾ ڪيسن جي فيصلن لاءِ وقت مقرر ڪيو ويندو آهي. هن چيو ته جيڪڏهن ڪنهن وجهه سان وڪيل پيش نه ٿيو ته ان جي جونيئر کي نامزد ڪيو ويندو. ڪيس ۾ ڪنهن سبب استغاثه پيش نه ٿو ٿي سگهي ته ان جو متبادل پيش ٿيندو. ڪيسن جو وقت مقرر ڪرڻ سان انصاف حاصل ڪرڻ آسان ٿيندو، ڪيسن جي التويٰ کي ختم ڪرڻ جي لاءِ هر ممڪن قدم کڻنداسين، پوليس طرفان گواهن جي پيشي کي يقيني بڻايو ويندو، ماڊل ڪورٽن ۾ جوابدارن کي بروقت پيش ڪرڻ جي حوالي سان صحت وارو کاتو به سهڪار ڪندو. چيف جسٽس آف پاڪستان چيو ته گذريل ڪجهه ڏهاڪن کان فوري انصاف جي فراهمي تي توجهه ڏني پئي وڃي، اسان جا جج جيترو ڪم ڪري رهيا آهن ايترو دنيا ۾ ڪو به ناهي ڪندو. ملڪ ۾ مجموعي طور تي 3 هزار جج آهن. گذريل سال عدالتن 34 لک ڪيس اڪلايا، ججن کي ان کان وڌيڪ ”ڊومور“ نه ٿو چئي سگهجي. بلوچستان هاءِ ڪورٽ جي چيف جسٽس طاهره صفدر چيو ته انصاف ۾ دير انصاف کان انڪار آهي. پر انصاف ۾ جلد بازي انصاف جو قتل آهي. هن چيو ته دستياب وسيلن ۾ انصاف جي فراهمي کي ممڪن بڻائڻو آهي. هن چيو ته بلوچستان ۾ 24 ماڊل ڪورٽون قائم ڪيون ويون آهن. ماڊل ڪورٽن 12 ڏينهن ۾ 287  ڪيسن جو فيصلو ڪيو. لاهور هاءِ ڪورٽ جي چيف جسٽس سردار شميم چيو ته اسلامي جمهوريه پاڪستان جي آئين ۾ فوري انصاف جي فراهمي شهرين جو حق آهي. هن چيو ته ملڪ ۾ عدالتن جي گهٽتائي سبب التويٰ هيٺ ڪيسن جي انگ ۾ اضافو ٿيو. ماڊل ڪورٽن جي قيام سان التويٰ هيٺ ڪيسن جو بار گهٽجي ويندو. هن چيو ته اسان جي قوم بهتر پاڪستان طرفان گامزن آهي. هن چيو ته لاهور هاءِ ڪورٽ سسٽم تي ماڻهن جي اعتماد کي بحال ڪرڻ ۾ هر ممڪن ڪوشش ڪندي.اسلام آباد هاءِ ڪورٽ جي چيف جسٽس اطهر من الله خطاب ڪندي چيو ته سپريم ڪورٽ جي چيف جسٽس سڀني کي سستي ۽ فوري انصاف جي فرض سان متعارف ڪرايو آهي. التويٰ هيٺ ڪيسن خلاف ڊيم ملڪ جي ماڻهن جو ڀروسو بحال ڪرڻ جي مترادف آهي. سنڌ هاءِ ڪورٽ جي چيف جسٽس احمد علي شيخ چيو ته اسان جون ماڊل ڪورٽون مختصر مدي ۾ فوجداري ڪيس اڪلائڻ جي صلاحيت رکن ٿيون. انصاف جي فراهمي ۾ رڪاوٽن کي ختم ڪرڻ چاهيون ٿا. هن چيو ته ماڊل ڪورٽن کي فيملي ۽ ڪرائيداري جي معاملن تائين کڻي وڃجي. هن چيو ته عدالتن ۾ خوداعتمادي لاءِ فوري انصاف جي فراهمي ضروري آهي. سنڌ هاءِ ڪورٽ جي چيف جسٽس چيو ته پهرين اپريل 2019ع کان هيلتائين  ماڊل ڪورٽن ڪيترائي ڪيس اڪلايا آهن. ماڊل ڪورٽن جي ڊي جي سهيل ناصر ماڊل ڪورٽن جي ڪارڪردگي تي ڪانفرنس جي شرڪت ڪندڙن کي بريفنگ ڏني. هن ٻڌايو ته سڄي ملڪ جون 116 ماڊل عدالتن 10 ڏينهن ۾ 1464 فوجداري ڪيس اڪلايا آهن. بلوچستان جي 24 ماڊل ڪورٽن 287 ڪيسن جا فيصلا ڪيا. خيبر پختونخواه جي 27 ماڊل ڪورٽن 387 ڪيسن جا فيصلا ڪيا، پنجاب جي 36 مادل ڪورٽن 545 ڪيسن جا فيصلا ڪيا. اسلام آباد جي ٻن ماڊل ڪورٽن مجموعي طور تي 54 ڪيسن جا فيصلا ڪيا جڏهن ته سنڌ جي 27 ماڊل ڪورٽن 191 ڪيسن جا فيصلا ڪيا.

About admin

هي به ڏسي سگهو ٿا

زردارتي صادق سنجراڻي کي بچائي ورتو، وڌيڪ ريل گاڏيون هلائيندس: شيخ رشيد

ڪراچي)مانيٽرنگ ڊيسڪ) شيخ رشيد چيو آهي ته زرداري پنهنجي ٻچي صادق سنجراڻي کي بچائي ورتو، …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے