Home / پاڪستان / فواد چوڌري عليم خان کي ”قرباني جو ٻڪرو“ ٻنائڻ جي تصديق ڪري ڇڏي: مريم اورنگزيب

فواد چوڌري عليم خان کي ”قرباني جو ٻڪرو“ ٻنائڻ جي تصديق ڪري ڇڏي: مريم اورنگزيب

لاهور ( مانيٽرنگ ڊيسڪ ) پاڪستان مسلم ليگ ن جي مرڪزي ترجمان چيو آهي ته فواد چوڌري تصديق ڪري ڇڏي ته عمران خان حڪومت ۽ مخالف ڌر ۾ توازن پيدا ڪرڻ لاءِ عليم خان کي اڻ ڳڻين خدمتن باوجود ڪاري قانون جي ور چاڙهي ڇڏيو.  عليم خان جي ضمانت بابت سڌ سماءَ واري وزير فواد حسين جي ٽوئيٽ جي ردعمل ۾ مريم اورنگزيب چيو ته فواد چوڌري عدالتن تي پنهنجي بيان ذريعي اثرانداز ٿيڻ جي ڪوشش ڪري رهيو آهي، نيب جي ترجمان فواد چوڌري مخالف ڌر وانگر نيب جي غيرجانبداري تي ڪيئي سوال اُٿاري ڇڏيا، نيب جي ترجمان فواد چوڌري آخري ڪار مڃي ورتو ته نيب آزاداڻي طريقي سان ڪم ناهي ڪري رهيو.  اسان جون ڳالهيون سچ ثابت ٿيون، حڪومت پاڻ چئي رهي آهي ته نيب مخالف ڌر ۽ حڪومت خلاف ڪاررواين کي متوازن ڪري رهيو آهي. اڻ کٽ خدمتن باوجود عمران خان حڪومت ۽ مخالف ڌر ۾ توازن پيدا ڪرڻ لاءِ عليم خان کي ڪاري قانون جي ور چاڙهي ڇڏيو .  مريم اورنگزيب جو چوڻ هوته بقول فواد چوڌريءَ جي پورو پاڪستان چور آهي هو ٻڌائي ته صرف نون مهينن ۾ ملڪ جي ترقي جي شرح اڌ ڪيئن ٿي وئي؟ پشاور ميٽرو جي هڪ کرب کڏن جي ڪرپشن جو ذميوار ڪير آهي؟  ۽ اهو ڪڏهن مڪمل ٿيندي؟  مني لانڊرنگ ذريعي 18 جعلي بئنڪ اڪائونٽس سان پاڪستان تحريڪ انصاف ڪنهن فنڊ ڪيو، مهانگائي ٽه سيڪڙو ڪيئن ٿي وئي؟ هڪ ڪروڙ نوڪريون ڪٿي آهن؟ پنجاهه لک گهرن جي ڪهڙي سياري تي اڏاوت ٿي رهي آهي؟  9 مهينن ۾ ملڪي قرض ۾ ساڍا چار ارب ڪيئن واڌ ٿي؟  مريم اورنگزيب چيو ته فواد چوڌري ٻڌائي ته ملڪ تي روزانو 15 ملين قرض ڇو وڌي رهيو آهي ؟ ماڻهو اوهان جي حڪومت کي ٽيڪس ڇو ناهن ڏئي رهيا؟ آءِ ايم ايف سان چوري چوري ڪهڙيون شرطون طئي ڪيون ويون؟ عليمه باجي ۽ جهانگير ترين جي مني لانڊرنگ جي دولت ڪڏهن وطن واپس ايندي؟ 9 مهينن ۾ گئس 141 ۽ بجلي 25 سيڪڙو مهانگي ڇو ڪئي؟ بجلي، گئس ۽ پئٽرول جي اگهن ۾ وڌيڪ ڪيترو اضافو ٿيندو؟

About admin

هي به ڏسي سگهو ٿا

قومي اسيمبلي ۾ خطاب دوران هڪ شخص اڻ سڌي ريت اين آر او گهريو: فردوس عاشق

اسلام آباد ( مانيٽرنگ ڊيسڪ ) وزيراعظم جي سڌ سماءَ بابت صلاحڪار فردوس عاشق اعواڻ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے