Home / پاڪستان / سياسي مخالفن جي گهرن تي قبضو افسوسناڪ ۽ منفي روايت آهي: شهباز شريف

سياسي مخالفن جي گهرن تي قبضو افسوسناڪ ۽ منفي روايت آهي: شهباز شريف

لنڊن: (مانيٽرنگ ڊيسڪ) مسلم ليگ(ن) جي اڳواڻ شهباز شريف چيو آهي ته عمران نيازي جي تڪبر، ضد ۽ ساڙ سبب ملڪ جي معيشت ٻڏي رهي آهي.لنڊن ۾ موجود مسلم ليگ(ن) جي صدر شهباز شريف پنجاب حڪومت طرفان اڳوڻي ناڻي واري وزير اسحاق ڊار جي گهر ۾ لنگر خانو کولڻ جي مذمت ڪندي چيو آهي ته سياسي مخالفن جي گهرن تي قبضو افسوسناڪ ۽ منفي روايت آهي. شهباز شريف وڌيڪ چيو ته ڪريل حرڪتن سان اسحاق ڊار جي خدمتن کي وساري نٿو سگهجي. هن چيو ته عوام ماني، روزگار ۽ ڪاروبار جي لاءِ سخت پريشان آهي پر هي ڪرپٽ ۽ نالائق حڪومت سياسي مخالفن جي خلاف انتقامي ڪارروائين ۾ مصروف آهي.شهباز شريف چيو ته اهڙي ڪريل حرڪتن سان اسحاق ڊار ۽ (ن) ليگ جا حوصلا ختم نٿا ٿي سگهن. وزيراعظم کي تنقيد جو نشانو بنائيندي صدر مسلم ليگ(ن) چيو ته عمران نيازي جي تڪبر، ضد ۽ ساڙ سبب معيشت ٻڏي رهي آهي.ياد رهي ته 7 فيبروري تي پنجاب حڪومت لاهور ۾ واقع اسحاق ڊار جي گهر کي پناهه گاهه ۾ تبديل ڪري هجويري هائوس جي 12 ڪمرن ۾ بسترا لڳائي ڇڏيا هئا. 8 فيبروري تي حڪومت اسحاق ڊار جي رهائشگاهه تي عملو مقرر ڪيو ۽ 9 فيبروري تي پناهه گاهه ۾ غريب ۽ بي گهر مزدورن کي منتقل ڪيو ويو.اڳوڻي ناڻي واري وزير اسحاق ڊار به ان واقعي جي مذمت ڪندي پنجاب حڪومت جي فيصلي خلاف اسلام آباد هاءِ ڪورٽ وڃڻ جو اعلان ڪيو هو.

About admin

هي به ڏسي سگهو ٿا

وڏي وزير سيد مراد علي شاهه پاران مختلف سيڪريٽرين جي آفيس جو اوچتو دورو

ڪراچي (مانيٽرنگ ڊيسڪ) سنڌ جي وڏي وزير سيد مراد علي شاهه صبح جو ڏهين وڳي …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے