نڪور خبرون
Home / پاڪستان / نيب جي نه ڪنهن سان دوستي ۽ نه دشمني آهي، اسان جي طرفان نه ڪا ڊيل ٿيندي: جاويد اقبال

نيب جي نه ڪنهن سان دوستي ۽ نه دشمني آهي، اسان جي طرفان نه ڪا ڊيل ٿيندي: جاويد اقبال

اسلام آباد (ويب ڊيسڪ) قومي احتساب بيورو (نيب) جي چيئرمين رٽائرڊ جسٽس جاويد اقبال چيو آهي ته ڪجهه ماڻهن کي زُڪام به ٿئي ٿو ته علاج لاءِ لنڊن هليا ويندا آهن. تفصيل موجب اسلام آباد ۾ تقريب کي خطاب دوران نيب چيئرمين جاويد اقبال چيو ته نيب جو ڪنهن به سياسي گروهه يا گروپ سان واسطو نه آهي، نيب جي نه ڪنهن سان دوستي ۽ نه دشمني آهي، اسان جي طرفان نه ڪا ڊيل ٿيندي، نه ڍر هوندي ۽ نه ئي اين آر او هوندو. هُن چيو ته هو ذاتي تنقيد سان گهٻرائڻ وارو نه آهي،الزام لڳائڻ، ڪردارڪشي ۽ ڌمڪيون ڏيڻ سان ڪو به فائدو نه ٿيندو، ڪجهه ماڻهو وري صوبي جو ڪارڊ استعمال ڪري رهيا آهن، اُن سان فرق نه پوندو ۽ صوبي جو ڪارڊ استعمال ٿيڻ باوجود نيب پنهنجون ڪارروائيون جاري رکندو. جاويد اقبال چيو ته نيب سياسي انتقام جو نشانو بڻائي رهيو آهي، ٻڌايو ته نيب سياسي انتقام ڇو وٺندو؟ اسان جو ڪنهن سان ملڪيتي تڪرار نه آهي جو انتقام وٺون، هاڻي اهڙن ڪيسز ڏانهن وڃي رهيا آهيون، جِن سان اهو تاثر ختم ٿي ويندو ته بظاهر هڪ طرفو احتساب ٿي رهيو آهي، 2017ع کانپوءِ ڪو به وڏو اسڪينڊل سامهون نه آيو آهي. تقريب کي خطاب دوران نيب چيئرمين وڌيڪ چيو ته ڪجهه ماڻهن کي زُڪام به ٿئي ٿو ته علاج لاءِ لنڊن هليا ويندا آهن، ٻين ماڻهن جو ڇا ٿيندو؟. سندس وڌيڪ چوڻ هو ته ڪوشش ڪري رهيا آهيون ته بي آر ٽي پشاور مامري ۾ عدالتي اسٽي آيل آهي، بي آر ٽي ڪيس ۾ اسٽي آرڊر ختم ٿي وڃي، ججز جو انگ وڌائڻ جي ضرورت آهي، جِن نيب جو قانون پڙهيو نه آهي، اُهي به تنقيد ڪري رهيا آهن.

About admin

هي به ڏسي سگهو ٿا

ڪورونا جي چيلنج کي منهن ڏيڻ جي لاءِ اسان سڀ گڏ آهيون: فردوس عاشق

اسلام آباد (مانيٽرنگ ڊيسڪ) وزيراعظم عمران خان جي سُڌ سماءُ بابت خاص صلاحڪار ڊاڪٽر فردوس …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے