Home / پاڪستان / پلان بي تحت شاهراهه ريشم بند، اسلام آباد ۾ آزادي مارچ اڄ ختم ڪرڻ جو باضابطا طور اعلان

پلان بي تحت شاهراهه ريشم بند، اسلام آباد ۾ آزادي مارچ اڄ ختم ڪرڻ جو باضابطا طور اعلان

اسلام آباد (مانيٽرنگ ڊيسڪ)) جي يو آءِ ف پلان بي تي عمل ڪندي شاهراهه ريشم کي به بند ڪري ڇڏيو. جي مولانا فضل الرحمان جي صدارت هيٺ اجلاس ۾ پلان بي تي صلاح مشورا ڪيا ويا. ذريعن جو چوڻ آهي ته جي يو آءِ ف جي قيادت طرفان اسلام آباد ۾ آزادي مارچ بند ڪرڻ جو فيصلو ڪري ورتو آهي، پر باضابطا طور اعلان ٿيڻ کان اڳ ئي ڪارڪنن خيما پٽڻ ۽ سامان کڻڻ شروع ڪري ڇڏيو آهي. ذريعن موجب جي يو آءِ ف سربراهه مولانا فضل الرحمان پنهنجي خطاب دوران اسلام آباد ۾ آزادي مارچ ختم ڪرڻ جو باضابطا طور اعلان ڪندو. پلان بي تحت رستا بند جي يو آءِ ف جي مرڪزي اڳواڻ مولانا عطاءُ الرحمان جو چوڻ آهي ته پلان بي تي عمل شروع ڪيو آهي، جنهن تحت ڪوئيٽا – چمن ۽ مٿانهن علائقن ۾ شاهراهه ريشم کي بند ڪيو ويو آهي. اُن کانسواءِ لوئر دير، چڪدره چوڪ ۽ انڊس هاءِ کي به بند ڪيا ويندا. ڪراچي کان بلوچستان ويندڙ رستا بند ڪيا ويندا. پنجاب ويندڙ رستا بند ڪيا ويندا آزادي مارچ ۾ ڪارڪنن کي خطاب ڪندي جي يو آءِ ف اڳواڻ راشد محمود سومرو اعلان ڪيو ته پلان بي تحت سڀاڻي سنڌ کان پنجاب ۽ بلوچستان ويندڙ رستا بند ڪيا ويندا. سڀاڻي ڪشمور، گهوٽڪي ۽ سکر کان پنجاب ويندڙ رستا بند ڪيا ويندا. ڪراچي ۾حب رور روڊ کان بلوچستان ويندڙ رستو بند ڪيو ويندو. هُن هدايت ڪئي ته ڪارڪن ڌرڻن ۾ ڏنڊا کڻي نه اچن ۽ ايمبولينسز کي رستو ڏين.

About admin

هي به ڏسي سگهو ٿا

دعا منگي کي صحيح سلامت بازياب ڪرائينداسين: ڪراچي پوليس

ڪراچي (مانيٽرنگ ڊيسڪ) ڪراچي پوليس دعا منگي ڪيس ۾ شهرين کي ڄاڻ ڏيڻ جي اپيل …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے