Home / انٽرنيشنل / مودي سرڪار جي سفاڪانه قدمن ۽ ظلم جي انتها سبب سخت انساني الميو جنم وٺي رهيو آهي: مليحه لودهي

مودي سرڪار جي سفاڪانه قدمن ۽ ظلم جي انتها سبب سخت انساني الميو جنم وٺي رهيو آهي: مليحه لودهي

نيويارڪ: (م ڊ)گڏيل قومن ۾ پاڪستان جي اڳوڻي مستقل سفير مليحه لودهي ڳڻتي جو اظهار ڪندي چيو آهي ته والاريل وادي ۾ مودي سرڪار جي سفاڪانه قدمن ۽ ظلم جي انتها سبب سخت انساني الميو جنم وٺي رهيو آهي.مليحه لودهي گڏيل قومن ۾ سياسي معاملن واري انڊر سيڪريٽري روز ميري ڊي ڪارلو سان ملاقات ڪئي آهي جنهن ۾ هن والاريل ڪشمير جي تازي صورتحال ۽ لائن آف ڪنٽرول تي ڀارتي جارحيت بابت انڊر سيڪريٽري جنرل کي آگاهه ڪيو.هن چيو ته ڀارتي فوج 5  آگسٽ کان پوءِ ڪشمير مان هزارين نوجوانن ۽ ٻارن کي بنا ڪنهن ڪيس جي کڻي وئي آهي. هن مطالبو ڪيو ته گڏيل قومن کي پاڪ ڀارت جي وچ ۾ وڌندڙ ڇڪتاڻ کي گهٽ ڪرائڻ ۽ خطي جي امن ۽ سلامتي جي لاءِ ڪردار اد اڪرڻ گهرجي.هن چيو ته گڏيل قومن کي ڀارت تي زور ڏيڻ گهرجي ته هو  ڪشمير ۾ انساني حقن جون سنگين خلاف ورزيون بند ڪري. مليحه لودهي چيو ته پاڪستان طرفان پرڏيهي سفارتڪارن کي لائن آف ڪنٽرول جو دورو ڪرائڻ ان ڳالهه جو ثبوت آهي ته هو ڪجهه ناهي لڪائي رهيو. هن چيو ته ڀارت طرفان مڪاري ۽ ڪوڙ تي ٻڌل بيان بازي جي اصليت سڀني تي کلي وئي آهي.

About admin

هي به ڏسي سگهو ٿا

والاريل ڪشمير اڄ ٻن حصن ۾ ورهائجي ويندو

سرينگر: (مانيٽرنگ ڊيسڪ) والاريل ڪشمير اڄ ٻن حصن ۾ ورهائجي ويندو جنهن جي لاءِ تياريون …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے