Home / سنڌ / آبادگارن کي رهتن بابت رپورٽ پيش ڪرڻ جو حڪم، ڪريشنگ کان اک ڪمند جا اگهه مقرر ڪيا وڃن: سنڌ هاءِ ڪورٽ

آبادگارن کي رهتن بابت رپورٽ پيش ڪرڻ جو حڪم، ڪريشنگ کان اک ڪمند جا اگهه مقرر ڪيا وڃن: سنڌ هاءِ ڪورٽ

ڪراچي (مانيٽرنگ ڊيسڪ) سنڌ هاءِ ڪورٽ هر هر ڪين ڪمشنر جي بدلي تي ڪاوڙ ظاهر ڪندي فوري طور ڪين ڪمشنر مقرر ڪرڻ ۽ ڪرشنگ سيزن کان اڳ ڪمند جا اگهه طئه ڪرڻ جو حڪم ڏئي ڇڏيو. عدالت رهتون نه مليل آبادگارن جي فهرست طلب ڪندي چيو آهي ته ملز جي هڪ هڪ مالڪ کي گهرائي آبادگارن کي پئسا ڏياريا ويندا. سنڌ هاءِ ڪورٽ ۾ ڪمند جو سرڪاري اگهه مقرر ڪرڻ ۽ آبادگارن کي رهتون ادا ڪرڻ جي حوالي سان درخواستن تي ٻڌڻي ٿي، جنهن دوران عدالت حڪم ڏنو ته شگر ملز ۾ ڪريشنگ سيزن شروع ٿيڻ کان اڳ ڪمند جا اگهه في مڻ جي حساب سان طئه ڪيا وڃنعدالت صوبائي حڪومت تي ناراض ٻڌڻيءَ دوران سنڌ هاءِ ڪورٽ ڪين ڪمشنر مقرر نه ٿيڻ ۽ هر هر بدلي ٿيڻ تي سخت ڪاوڙ جو اظهار ڪيو. جسٽس محمد علي مظهر ريمارڪس ڏيندي چيو ته ڪين ڪمشنر هر هر بدلي ٿيندي رهيا ته پوءِ اُن جي بدلي کي عدالتي حڪم سان مشروط ڪيو ويندو. نئون مقرر ٿيل ڪين ڪمشنر اڃا معاملن کي سمجهڻ جي ڪوشش ڪندو آهي ته کيس بدلي ڪيو ويندو آهي. ائين ڪين ڪمشنر بدلي ٿيندا رهيا ته پوءِ ڪم ڪيئن هلندو؟ زراعت کاتي جون اختياريون بي خبر عدالت زراعت کاتي جي اختيارين کان پُڇاڻو ڪيو ته ڪين ڪمشنر کي ايترو جلدي ڇو بدلي ڪيو ويندو آهي؟ جنهن تي زراعت کاتي جي اختيارين چيو ته کين خبر نه هوندي آهي، ايس اين ڊي جي اي ڊي وارا پاڻ بدليون ڪندا آهن. سروسز کاتو چيف سيڪريٽري سنڌ جي منظوريءَ سان بدليون ڪندو آهيسيڪريٽري زراعت بي وس ۽ چيف سيڪريٽري طاقتور ڇو؟ عدالت زراعت کاتي جي اختيارين کان پُڇاڻو ڪيو ته توهان کي بدلين ۽ مقررين جي خبر ڇو نه هوندي آهي؟ زراعت کاتي جو سيڪريٽري ايڏو بي وس ڇو آهي؟ ڇا چيف سيڪريٽري ايڏو طاقتور آهي جو سيڪريٽري زراعت کي ٻڌائڻ کانسواءِ ڪين ڪمشنر تبديل ڪيو ويندو آهي؟ ڪين ڪمشنر مقرر ڪرڻ جو حڪم سنڌ هاءِ ڪورٽ حڪم ڏنو ته ڪين ڪمشنر مقرر ڪري اُن کي ڪم ڪرڻ ڏنو وڃي. عدالت اهو به حڪم ڏنو ته ڪرشنگ سيزن شروع ٿيڻ کان هڪ مهينو اڳ شگر ملز جا مالڪ ملز هلائڻ جو نوٽيفڪيشن جاري ڪندا. عدالت اهو به حڪم ڏنو ته جِن آبادگارن جون شگر ملز مالڪن ڏانهن رهتون آهن، اُنهن جي مڪمل فهرست ايندڙ ٻڌڻيءَ تي پيش ڪئي وڃي. آبادگارن کي رهتن جا پئسا ڏيارڻ لاءِ هڪ هڪ ملز مالڪ کي عدالت گهرائينداسين. اُن کانپوءِ عدالت درخواستون اُڪلائي ڇڏيون.

About admin

هي به ڏسي سگهو ٿا

وفاقي حڪومت، صوبائي حڪومت جي حدن ۾ مداخلت ڪري رهي آهي: وڏي وزير

ڪراچي(مانيٽرنگ ڊيسڪ) سنڌ جي وڏي وزير سيد مراد علي شاهه نيب آرڊينيننس جي ترميم جنهن …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے