نڪور خبرون
Home / پاڪستان / لياقت قائمخاني جو راهداري رمانڊ منظور، سانگهڙ ۾ اربين رپين جي زمين جو انڪشاف

لياقت قائمخاني جو راهداري رمانڊ منظور، سانگهڙ ۾ اربين رپين جي زمين جو انڪشاف

ڪراچي /اسلام آباد ( رپورٽ) اڳوڻي ڊي جي پارڪس لياقت قائمخاني جو ٻن ڏينهن جو راهداري4 رمانڊ منظور ٿي ويو آهي. مني لانڊرنگ ۽ آمدني کان وڌيڪ اثاثا ٺاهڻ واري ڪيس ۾ گرفتار اڳوڻي ڊي جي پارڪس سنڌ لياقت قائمخاني کي نيب اختيارين راولپنڊي جي احتساب عدالت ۾ پيش ڪيو. جج پرويز اسماعيل جوئيه آڏو لياقت قائمخاني کي پيش ڪرڻ دوران سيڪيورٽي اهلڪارن صحافين کي عدالتي احاطي مان ٻاهر ڪڍي ڇڏيو، جڏهن ته نيب طرفان سندس رمانڊ جي استدعا ڪئي وئي. عدالت لياقت قائمخاني جو ٻن ڏينهن جو راهداري رمانڊ منظور ڪري ورتو ۽ کيس 23 سيپٽمبر تي اسلام آباد جي احتساب عدالت ۾ پيش ڪرڻ جو حڪم ڏئي ڇڏيو. واضح رهي ته اڳوڻي ڊي جي پارڪس سنڌ لياقت قائم خاني جي ڪراچي واري محل نِما گهر ۾ ڇاپي دوران لگزري گاڏيون، سونا زيور، هيرن جا هار، بانڊز ۽ ٻيو قيمتي سامان هٿ ڪيو ويو، جِن جي ماليت اربين رُپين ۾ ٻڌائي وئي آهي. هوڏانهن نيب هٿان گرفتار ٿيندڙ اڳوڻي ڊي جي پارڪس ڪراچي لياقت قائمخاني جو تعلق ضلعي سانگهڙ جي علائقي کپرو سان آهي.ان جي اباڻي علائقي ۾ به مبينه اثاثن جي باري ۾ ڇرڪائيندڙ تفصيل سامهون آيا آهن. لياقت قائمخاني جي اباڻي علائقي کپرو جي ويجهن خانداني ذريعن دعويَ ڪئي آهي ته کپرو ۽ سنڌڙي جي علائقي ۾ لياقت قائمخاني جي 500 ايڪڙ کان وڌيڪ آباد زرعي زمين آهي.ذريعن موجب کپرو ۾ لياقت قائمخاني جو هڪ ايڪڙ تي ٻڌل جديد سهوليتن سان آراسته سينٽرل ايئرڪنڊيشنڊ بنگلي کان علاوه برائلر مرغي جا ڪيترائي فارمز، مينهن جا وٿاڻ ۽ شهر جي وچ ۾ مارڪيٽون آهن.  ويجهن ذريعن موجب کپرو ۾ ٻن ايڪڙن تي مشتمل جڳهه تي شاندار پارڪ قائم ڪيو ويو آهي جنهن ۾ لياقت قائمخاني پنهنجي پيءُ جو عاليشان مقبرو تيار ڪرايو آهي.ان پارڪ نما قبرستان جو ڊيزائن ڪراچي جي باغ ابن قاسم سان ملندڙ جلندڙ ٺاهيو ويو آهي. لياقت قائمخاني جو پيءُ هڪ عطائي ڊاڪٽر هو ۽ ان جي نالي تي  ميرپورخاص ۾ هڪ نجي ڪاليج به قائم آهي.

About admin

هي به ڏسي سگهو ٿا

شهزادو وليم ۽ ڪيٽ مڊلٽن چترال پهچي ويا، شاندار آڌرڀاءُ، کين ليڊي دائنا جي تصويرن وارو يادگار البم پيش

چترال (م ڊ) برطانوي شهزادو وليم ۽ سندس زال ڪيٽ مڊلٽن پاڪستان جي دوري جي …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے