Home / پاڪستان / پ پ اڳواڻ کي نيب راهداري رمانڊ لاءِ اسلام آباد جي عدالت ۾ پيش ڪيو

پ پ اڳواڻ کي نيب راهداري رمانڊ لاءِ اسلام آباد جي عدالت ۾ پيش ڪيو

اسلام آباد(مانيٽرنگ ڊيسڪ) احتساب عدالت آمدني کان وڌيڪ اثاثن واري ڪيس ۾ پ پ اڳواڻ خورشيد شاهه جو ٻن ڏينهن جو راهداي رمانڊ منظور ڪري ورتو آهي.گذريل ڏينهن قومي احتساب بيورو(نيب) آمدني کان وڌيڪ اثاثن واري ڪيس ۾ بني گالا مان خورشيد شاهه  کي گرفتار ڪيو هو. نيب ذريعن ٻڌايو ته خورشيد شاهه جي خلاف 7 آگسٽ تي جاچ جي شروعات ٿي هئي. ان مٿان ڪوآپريٽو سوسائٽي ۾ بنگلي جي لاءِ پلاٽ غيرقانوني طور تي پنهنجي نالي ڪرائڻ جو الزام آهي. خورشيد شاهه کي آمدني کان وڌيڪ اثاثن واري ڪيس ۾ اڄ احتساب عدالت اسلام آباد جي جج محمد بشير جي آڏو پيش ڪيو ويو.ان موقعي تي  نيب اختيارين چيو ته خورشيد شاهه کي سکر جي عدالت ۾ پيش ڪرڻ جي لاءِ راهداري رمانڊ ڏنو وڃي. جنهن تي جج محمد بشير پڇاڻو ڪيو ته سکر وڃڻ ۾ ڪيترو ٽائيم لڳي ويندو آهي.  ان تي خورشيد شاهه جواب ڏنوته اصبح سکر جي فلائٽ هئي سڀاڻي به هوندي. جنهن کان پوءِ جاچ آفيسر نيب  چيو ته 3 ڏينهن جو راهداري رمانڊ ڏنو وڃي.اسان پهريان موجود فلائٽ ذريعي خورشيد شاهه کي سکر کڻي وينداسين. جنهن کان پوءِ احتساب عدالت خورشيد شاهه جو ٻن ڏينهن جو راهداري رمانڊ منظور ڪندي نيب اختيارين کي ٻن ڏينهن ۾ سکر جي لاڳاپيل عدالت ۾ پيش ڪرڻ جو حڪم ڏنو آهي.

About admin

هي به ڏسي سگهو ٿا

حڪومت ۽ وزيرن کي ثابت ڪرڻو پوندو ته هو مديني جي رياست ٺاهي رهيا آهن: جاويد اقبال

اسلام آباد: (مانيٽرنگ ڊيسڪ) نيب چيرمين جسٽس(ر) جاويد اقبال چيو آهي ته حڪومت ۽ وزيرن …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے