Home / پاڪستان / شاهد خاقان عباسي نيب چيئرمين جي مقرري تي معافي گهري ورتي

شاهد خاقان عباسي نيب چيئرمين جي مقرري تي معافي گهري ورتي

اسلام آباد(مانيٽرنگ ڊيسڪ)   مسلم ليگ(ن) جي سينئر نائب صدر ۽ اڳوڻي وزيراعظم شاهد خاقان عباسي چيو آهي ته موجوده چيئرمين جي مقرري تي قوم کان معافي گهران ٿو.ايل اين جي ڪيس ۾ احتساب عدالت ۾ پيشي جي موقعي صحافين سان ڳالهائيندي شاهد خاقان عباسي چيو ته نيب جو ادارو ئي غلط آهي. هي مسلم ليگ(ن) کي ٽوڙڻ جي لاءِ ٺاهيو ويو، چيئرمين نيب جي مقرري تي قوم کان معافي گهران ٿو. پ پ جي طرفان نالو آيو هو، اتفاق راءِ سان مقرري جو فيصلو ڪيو ويو. اڳوڻي وزيراعظم چيو ته مون تي الزام لڳايو ويو  ته آئون ناڻي واري وزارت جي گاڏي استعمال ڪندو آهيان.هن چيو ته ملڪ جو وزيراعظم هيس، ٻڌائي ڇڏين ها ته آفيس پهچڻ لاءِ ٽانگو يا آن لائين ٽيڪسي ڪرايان ها. شاهد خاقان عباسي چيو ته هڪ سال کان نيب جاچ ڪري رهيو آهي، 55 ڏينهن کان ريمانڊ به هلي رهيو آهي پر اڃا تائين ڪيس سمجهه ۾ ناهي آيو. مون جيڪڏهن ڪرپشن ڪئي آهي ته مون کي ٻڌائين ته ڪهڙي ڪرپشن ڪئي وئي آهي. جاچ آفيسر چئي ٿو ته ڪابينه جو فيصلو غلط هو، اهو فيصلو ٿيڻ گهرجي ها ته ملڪ کي ڪابينا کي هلائڻو آهي يا نيب کي. هن چيو ته اهو هڪ اهڙو ادارو آهي پهريان اڳوڻي وزيراعظم کي گرفتار ڪندا آهن، ان کان پوءِ ڪيس ٺاهيندا آهن. واضح رهي ته اڳوڻو وزيراعظم شاهد خاقان عباسي ايل اين جي ڪيس ۾ گرفتار آهي ۽ نيب هن کان جاچ ڪري رهي آهي.

About admin

هي به ڏسي سگهو ٿا

لياقت قائمخاني جو راهداري رمانڊ منظور، سانگهڙ ۾ اربين رپين جي زمين جو انڪشاف

ڪراچي /اسلام آباد ( رپورٽ) اڳوڻي ڊي جي پارڪس لياقت قائمخاني جو ٻن ڏينهن جو …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے