Home / پاڪستان / سينيٽ چيئرمين صادق سنجراڻي خلاف مخالف ڌر بي اعتمادي رٿ جمع ڪرائي ڇڏي

سينيٽ چيئرمين صادق سنجراڻي خلاف مخالف ڌر بي اعتمادي رٿ جمع ڪرائي ڇڏي

اسلام آباد: (م ڊ) مخالف ڌر سينيٽ چيئرمين صادق سنجراڻي خلاف بي اعتمادي رٿ جمع ڪرائي ڇڏي. پارليامينٽ هائوس جي ڪميٽي روم سينيٽ ۾ مخالف ڌر جي اڳواڻ سينيٽر راجا ظفر الحق جي صدارت ۾ مخالف ڌر جي پارٽين جو اجلاس ٿيو. اجلاس ۾ سينيٽر مشاهد الله خان، شيري رحمان، مولانا عطاءَ الرحمان، عثمان ڪاڪڙ، آصف ڪرماني، مير ڪبير محمد شاهي، پرويز رشيد، ستاره اياز، رحمان ملڪ، سسئي پليجو، بهر مند خان تنگي شرڪت ڪئي جڏهن ته جماعت اسلامي جو سينيٽر  مشتاق احمد ۽ سينيٽر سراج الحق اجلاس ۾ شرڪت نه ڪئي. سينيٽ چيئرمين صادق سنجراڻي خلاف ٺهراءُ شيري رحمان ۽ مسلم ليگ ن جي سينيٽر جاويد عباسي تيار ڪيو جنهن تي مخالف ڌر جي پارٽين جي سينيٽرن صحيح ڪئي. سينيٽر شيري رحمان مخالف ڌر جي ميمبرن کي سينيٽ چيئرمين صادق سنجراڻي خلاف بي اعتمادي رٿ تي بريفنگ ڏني. سينيٽ چيئرمين صادق سنجراڻي خلاف بي اعتمادي رٿ سينيٽ سيڪريٽريٽ ۾ جمع ڪرائي وئي آهي. سينيٽ جي سيڪريٽري ان حوالي سان ٻڌايو ته ملڪي تاريخ ۾ پهريون دفعو ڪنهن سينيٽ چيئرمين جي خلاف بي اعتمادي جي رٿ جمع ڪرائي آهي. قانوني طريقي سان جنهن ڏينهن بي اعتمادي جي قرارداد پيش ٿيندي سينيٽ چيئرمين صرف ان ڏينهن اجلاس جي صدارت نٿو ڪري سگهي. مخالف ڌر جي ريڪوزيشن تي اجلاس گهرائڻ جو اختيار سينيٽ چيئرمين وٽ ئي هوندو. ياد رهي ته مخالف ڌر جي رهبر ڪميٽي سينيٽ چيئرمين جو عهدو مسلم ليگ(ن) کي ڏيڻ تي اتفاق ڪيو آهي. جڏهن ته ڊپٽي چيئرمين جو عهدو پ پ وٽ ئي هوندو. رهبر ڪميٽي جو ايندڙ اجلاس 11 جولاءِ تي ٿيندو ۽ ان ئي ڏينهن نئين سينيٽ چيئرمين جي نالي جو اعلان ڪيو ويندو.

About admin

هي به ڏسي سگهو ٿا

ڪرپشن جي ڪيس ۾ 3 سال سزا مذاق آهي: چيف جسٽس

اسلام آباد ( مانيٽرنگ ڊيسڪ ) چيف جسٽس آصف سعيد کوسا ڪرپشن جي ڪيس ۾ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے