Home / سنڌ / ڪراچي لاءِ پيڪيج ڪٿي آهي، وفاق سنڌ جا هڪ سئو 60 ارب گم ڪري ڇڏيا: مرتضيٰ وهاب

ڪراچي لاءِ پيڪيج ڪٿي آهي، وفاق سنڌ جا هڪ سئو 60 ارب گم ڪري ڇڏيا: مرتضيٰ وهاب

ڪراچي( مانيٽرنگ ڊيسڪ ) وڏي وزير جي اطلاعات بابت صلاحڪار مرتضيٰ وهاب چيو آهي ته مسلم ليگ ن جي جج تي الزامن جي جاچ ٿيڻ گهرجي،  مريم نواز جو نظريو سندس پارٽي ۽ منشور موجب آهي. ڪراچيءَ ۾ ميڊيا سان ڳالهائيندي مرتضيٰ وهاب چيو ته بلاول ڀٽو زرداري جو عوام دشمن پاليسي تي واضح بيان آهي،  وزيراعظم واعدو ڪيو هو ته ڪراچي لاءِ 162 ارب رپين جو پئڪيج ڏيندو، واعدي کي به ساڍا ٽي مهينا ٿي ويا آهن. هن چيو ته بجيٽ تي نظر وڌي وڃي ته سنڌ جا 160 ارب ڪٿي نظر نه ٿا اچن، رول آف لا تڏهن هوندي جڏهن عدليه آزاد هجي، ن ليگ جيڪو الزام هنيو تنهن جي شفاف جاچ ٿيڻ گهرجي. سندس چوڻ هو ته ڌمڪين باوجود اسان پنهنجي موقف تي قائم آهيون، سڪيورٽي خدشن باوجود اسان پنجاب ۽ ڪي پي جا دورا ڪيا. مرتضيٰ وهاب چيو ته ماضي ۾ خان صاحب وڏيون ڳالهيون ڪندو هو، ماضي ۾ هڪ لک رپيه مهينو ڪمائيندڙ تي ٽيڪس لڳندي هئي هاڻي 50 هزار رپيه ڪمائيندڙ تي ٽيڪس لڳائي وئي آهي. هن چيو ته خان صاحب  جي ڌمڪي سان مخالف ڌر پوئتي نه هٽي، خان صاحب بار بار چيو ته ڪنهن کي اين آر او نه ڏيندو، اسان کي ڪو به اين آر او نه گهرجي، عمران  نيازي جي ڊرامي بازي نه هلندي.

About admin

هي به ڏسي سگهو ٿا

اسان معاشي جاگرافيات کي مٽجندي ڏسي رهيا آهيون: شاهه محمود قريشي

اسلام آباد (مانتيڙنگ ڊيسڪ) پرڏيهي وزير مخدوم شاهه محمود قريشي چيو آهي ته اسان جي …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے