نڪور خبرون
Home / انٽرنيشنل / ممبئي ۾ چوماسي جي طوفاني برساتن تباهي مچائي ڇڏي، 27 ڄڻا فوت

ممبئي ۾ چوماسي جي طوفاني برساتن تباهي مچائي ڇڏي، 27 ڄڻا فوت

ممبئي(مانِٽرنگ ڊيسڪ) ممبئي ۾ چوماسي جي  طوفاني برساتن جو سلسلو پنجن ڏينهن کان جاري آهي جنهن کان پوءِ شهر ۾ ٻوڏ جهڙي صورتحال سبب زندگي جو نظام درهم برهم ٿي ويو آهي جڏهن ته مختلف حادثن ۾ 27 ڄڻا فوت ٿي ويا آهن. ڀارتي ميڊيا موجب ممبئي ۾ طوفاني برساتن سبب ڀت ڪرڻ سان 27 ڄڻا فوت ٿي ويا آهن جنهن ۾ 3 ٻارڙا به شامل آهن. موسميات کاتي وڌيڪ برساتن جي اڳڪٿي ڪندي خطري جي گهنٽي وڄائيندي شهرين کي گهرن ۾ رهڻ جي هدايت ڪري ڇڏي آهي. ممبئي ۾ تيز برساتن سبب اڄ سرڪاري موڪل جو اعلان به ڪيو ويو آهي. جنهن سبب سموريون سرڪاري آفيسون، اسڪول ۽ ڪاليج بند رهندا. برسات سبب شهر ۾ ٽرانسپورٽ ۽ ريل جو نظام به سخت متاثر ٿيو آهي ۽ روڊ ٻوڏ جو منظر پيش ڪري رهيا آهن. ان کان علاوه خراب موسمي صورتحال ۽ تيز برساتن کي نظر ۾ رکندي فلائيٽ آپريشن به متاثر ٿيو آهي جنهن سبب 52 اڏامون  روڪيون ويون آهن. جڏهن ته 54 اڏامن جو رخ موڙيو ويو آهي. پاڻي ۾ گهيريل ماڻهن جي مدد لاءِ ڀارتي بحريه ريسڪيو آپريشن شروع ڪري ڇڏيو آهي. ڀارتي ميڊيا جو چوڻ آهي ته مهاراشٽرا ۾  چوماسي جي برساتن جي وڌيڪ اڳڪٿي ڪئي وئي آهي. ياد رهي ته چوماسي جي موسم ۾ هر سال جون کان وٺي آڪٽوبر تائين ممبئي کي ٻوڏ جي صورتحال کي منهن ڏيڻو پوندو آهي.

About admin

هي به ڏسي سگهو ٿا

آمريڪا سعودي عرب جي لاءِ وڌيڪ ٽي هزار فوجي موڪليندو

واشنگٽن(م ڊ)   آمريڪا سعودي عرب جي لاءِ وڌيڪ 3000 فوجي  روانا ڪري رهيو آهي. جيڪي …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے