Home / پاڪستان / سنڌ ۾ 90 هزار ڪروڙ رپين جو ڪو پتو ئي ناهي،سنڌ جو گورنر جادوگر آهي: فواد چوڌري

سنڌ ۾ 90 هزار ڪروڙ رپين جو ڪو پتو ئي ناهي،سنڌ جو گورنر جادوگر آهي: فواد چوڌري

اسلام آباد(مانيٽرنگ ڊيسڪ) سائنس ۽ ٽيڪنالوجي واري وفاقي وزير فواد چوڌري چيو آهي ته سنڌ جو گورنر جادوگر ماڻهو آهي، جڏهن ته وزيراعظم چيو هو ته سنڌ جو گورنر 48 ڪلاڪن ۾ تبديلي آڻيندو. اسلام آباد ۾ باراني يونيورسٽيءَ جي تقريب کي خطاب ڪندي فواد چوڌري چيو ته آصف زرداري کي وڌيڪ هڪ ڪيس ۾ گرفتار ڪيو ويو آهي. هن چيو ته سنڌ مان ويندڙ پئسو دبئي مان نڪري ٿو،  بلوچستان ۾ 30 هزار ڪروڙ رپيه ويا، بلوچستان ۾ پٽيوالن کي به راڊو گهڙيون پاتل هونديون آهن. سندس چوڻ هو ته 10 سالن ۾ 24 ٽريلين جو قرض حاصل ڪيو ويو،  ڪاڏي ويو، 10 سالن جي چوري جو حساب ڪتاب ئي نه ملي رهيو آهي اسان ملڪ ۾ شفاف حڪومت ۽ احتساب جو ڪلچر آندو آهي. فواد چوڌري چيو ته 9 ارب ڊالر جو قرض اسان هلندڙ سال واپس ڪيو آهي، سنڌ ۾ 90 هزار ڪروڙ رپين جو ڪو پتو ئي ناهي، اهي ڪاڏي ويا، جيستائين ڪرپشن ختم نه ٿيندي ڪو فائدو ناهي،  حڪومت تي هڪ سال ۾ ڪرپشن جو هڪ به اسڪينڊل سامهون نه آيو آهي، 24 هزار ارب ڊالر قرض وٺڻ تي هاءِ پاور ڪميشن بڻائي ڇڏي آهي. وفاقي وزير چيو ته مسلم ليگ ن اسان نه پر مريم نواز پاڻ ٽوڙي رهي  آهي،  شهباز شريف لنڊن ويو ته مريم نواز پارٽي تي راتاهو هنيو،  شهباز شريف ميثاق معيشت جي ڳالهه ڪئي ته خواجه آصف ڊيسڪ وڄائي پر مريم نواز مذمت ڪئي ته خواجه آصف پوئتي هٽي ويو،  مسلم ليگ ن ۾ بحران آهي، کين سمجهه ۾ نه اچي رهيو آهي، مسلم ليگ ن مان جيڪي ماڻهو ايندا تن کي ننڍڙو آشيانو ڏنو ويندو.  فواد چوڌري چيو ته گورنر عمران اسماعيل به جادوگر ماڻهو آهي،  سندس جادوئي شخصيت آهي،  جڏهن وزيراعظم عمران خان چيو ته تبديلي آڻڻي آهي ته 48 ڪلاڪن ۾ گورنر تبديلي آڻي ڇڏيندو. هن چيو ته بلاول ۽ فريال ٽالپر جي گرفتاري جو فيصلو نيب کي ڪرڻو آهي، سياست ۾ ٽائمنگ تمام گهڻي اهم هوندي آهي،  چوڌري نثار دير ڪري ڇڏي، وٽس هاڻي نه حال آهي ۽ نه وري مستقبل، هو مستقل طور فارغ ٿي چڪو آهي. هن چيو ته قطر مان پهرين قسط اچي چڪي آهي، ٻئي اچڻ واري آهي، پرڏيهي مٽاسٽا جي ناڻي جي ذخيرن ۾ بهتري اچي وئي آهي، جڏهن ته وڌيڪ ٻه ايئر لائنز پاڪستان اچي رهيون آهن، 2019ع پاڪستان جي اڏام جو سال آهي. فواد چوڌري چيو ته بلاول ڀٽو جا خرچ انهيءَ اڪائونٽ مان ٿيندا هئا جنهن مان ايان علي جو خرچ ويندو هو.

About admin

هي به ڏسي سگهو ٿا

حڪومت ۽ وزيرن کي ثابت ڪرڻو پوندو ته هو مديني جي رياست ٺاهي رهيا آهن: جاويد اقبال

اسلام آباد: (مانيٽرنگ ڊيسڪ) نيب چيرمين جسٽس(ر) جاويد اقبال چيو آهي ته حڪومت ۽ وزيرن …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے